آمــنــه .. - محمد بن لافي المقاطي

ياقلب لاتحزن وتاخذ بخاطرك
كل ٍ يعيش وموتته عند ربّه

لاتقول فيك أوجاع والضيق يأسرك
لاتقول بأن علاجها بالأطبّه

هذا قدر مكتوب بيجيك لأخرك
حتّى لوّ إن الجرح يزداد شبّه

خلك قوي إيمان لاتدخل الشرك
صفّ الحكي بعروق قلبك وصبّه

أدري تبي تشفيه ويذوق سكّرك
ولابه أحن إمن الله إلي يحبّه

هذا القدر يمشي على أكبرك لأصغرك
كب الحكي منّك وأنا أقول كبّه

لو جا براسك شيب كبرّك كبرّك
ومحدن في هالدنيا يدينه تكبّه

حتّى المهرج يشتكي لعبة السرك
والسرك يبغى المدح لكن يسبّه

خذها نصيحه ومقصدي دون ما أحقرك
لبّ الندا لله وتلقاه لبّه

الله كريم بعزته دوم يذكرّك
عّلا مقامك والأجر لك يصبّه

يالله ترفع بالدرج ماهو بالدرّك
منهو يعاني بضيق شخص ٍ يحبّه

(أموّن) درّه تستحي من تكبّرك
تبغا الشفا منّك يا أحسن أطبّه

إنت الكريم ورحمتك ماتغيّرك
تبقى الإله الفرد ربيّ وربّه

ياقلب لاتحزن ترى الحزن خابرك
هبّ بدعاك لخالقك دوم هبّه

مناسبة القصيدة

آمنه .. طفله بعمر الزهور لايزيد عن الشهر عمرها .. قريبة أحـد أصدقائي .. وهي الأن بالمستشفى تشكي من صمام القلب وتم فتح صدرها حزنت كثيراً بما سمعته .. والشيء الأخر أعاني نفس هذا العناء تقريباً لأبني ..
© 2024 - موقع الشعر