نركض مع الايام - يوسف السناح

نركض مع الايام في كل ديره
وناكل لحوم الغير من دون تقصير

محدن درى بالاخره وش مصيره
كلن يحاول بس جمع الدنانير

احدن هواه الصيد ويحب طيره
واحدن طموحه كيف جمع المغاتير

واحدن همومه في زمانه مديره
واحدن يحاول كسب حب الغنادير

محدن عمل لجل الحياة الاخيره
يوم الحساب ويوم عرض التقارير

في يوم ماينفعك شمل العشيره
ولاينفعك شهرة قصيد وجماهير

ولاينفعك فعل الذنوب الكثيره
من عمرك اللي راح كله مخاسير

يالله دخيلك جعل بالامر خيره
ويالله عسانا من هل الدين والخير

© 2024 - موقع الشعر