قلت في نفسي مع الأيام يالماضي نسيتك * قلت ماباقي من طيوف الحبيب الا خياله
 في سنين الضيم يالمحبوب يومني هويتك * كل واحد من ظروفه راح في دربه لحاله
 والبلا من غبت عني في حياتي ما سليتك * منتظر ويفز قلبي كل ما جتني رساله
 صرت اجمل ذكريات الحب لا مني دعيتك * يا خيالٍ عشت به جو المودّه بالعماله
 وشائت الاقدار يالمحبوب يومني لقيتك * شدني حسنك وزولك لا تهيا بعتداله
 ما تصدق وش شعوري يوم بالدرب اهتديتك * في البدايه قلت هذا حلم ياشين الجهاله
 واثرك اللي غاب عن عين الغلا والقلب بيتك * اثرك المحبوب في قمة محاسنه ودلاااله
 قبل لا انسى بطلبك شغله بسيطه قل عطيتك * بطلبك رد الأمل للقلب جازه في وصاااله
 جابك الله يا بعد عمري مع الصدفه وجيتك * وجيتني ملهوف يا عمر الغلا يا راس ماله
 اعتبرها اسعد اللحظات يومني طريتك * جيت في بالي جنوب الدرب واثرك في شماله
 من تذكرتك لقيتك واشهد اني ما نسيتك * جابك الله في طريقي يا ضوى البدر وهلاااله
 وقلت في نفسي لقيتك والصحيح اني لقيتك * لا تعيد الهجر دامك ممتلكني بالعماله

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر - بواسطة شركة المبرمجين