خايف مع الايام احب غيرك - فهد بن دعيرم

ماعاد تبخص بالوفاء والمواجيب
الله يكثر يادعج العين خيرك
 
مابغى تعودني على البعد وتغيب
خايف مع الايام احب غيرك
 
المحبه والوصل حظ ونصيب
والليالي تغدرك ماتستشيرك
 
ولايلد العين عن وصل الحبيب
غير لاسليت سيفك من جفيرك
 
 
وانت ياللي بالهواء ضربك عطيب
شفني من البعد والصده كسيرك
 
انثنيلك واحسبك عندي قريب
ولابقالي غير وكرك مع جريرك
 
رحت ياللي تاخذ العلم وتجيب
ولاعطيت الا القلايل من كثيرك
 
ماتركت الا حشا خلك صويب
ولااخذت من البشر الا اميرك
 
كنت قبل تصير بايامي غريب
اعظم الاشياء في هقوة نظيرك
 
ووالله انه ماهو بعيني صعيب
غير اني عارفن وشهو مصيرك
 
قلتلك من قبل جفنك مايشيب
المحبه والهواء انت‏ وضميرك
 
ياتصون العشره وماهو غريب
ياتهاون بالهواء ويضيع طيرك
© 2023 - موقع الشعر