لاتحـسـّب ..

لا تحسب إنك يوم تقفي بناديك
وإلا أجيك بلهفتي لك أسّير

بان الحكي منّك وبانت مواريك
لا لا وش إلي في غرامي تغير

كنت أحسبك مكسب وهذي تواليك
تجرح خفوق بميزة الغدر خيّر

لا واحسايف عيشتي يومي أرجيك
وأقطع حشاي لخاطرك وا تغيّر

غيرت في وقت الشدايد مباديك
بسود النوايا قبلها كنت نيّر

الله يذكر ماضي ٍ كان يغليك
شخص ٍ غدا حبه لعينك مشيّر

واليوم لا تفرح ترى ما أدانيك
قد قلتها لاجيت أطيّر أطيّر

ياحسرتي للي بنيته ل .. معاليك
يابغضني للي وجوده يحيّر

جاك الحكي مني وبانت مواريك
لا تحسب إنك يوم تقفي ب .. أسيّر