هيت لك

ياهني النوم كل ليله يجيك
ولو انا اللي جيت لك ما آصلك

وياهني الرّوج قبّل شفّتيك
ليتني ّ الرّوج لجل آقبلك

وياهني الثوب يحضن دفّتيك
آه من حظه على جيدك سلك

وياهني فراشك اللي يحتويك
وياهني انفاسك اللي تدخلك

كل شي بجانبك يصرخ يبيك
كل شي يقول لك كلي إلك

ذابت اشياءك عليك وذاب فيك
قلب من شافك أمرك بهيت لك

كم ضميتك حب من قبل ارتويك
وارجع بزايد ضماي اتوسلك

وكم كتبتك شعر حرفه يرتجيك
احفظيني وانطقيني بمهلك

وكم سهرت أتأملك كيف ابتديك
وان غفت عيني بديت أتأملك

كعبة ٍ والحسن ناس ٍ جت إليك
والمَشَاعر لآخرك من أولك

امزجك في دم قلبي وانتشيك
واشعر بليلاك كل ما اثملك

يا امل لله مالك بي شريك
بعد ربي يا أمل صرتي ملك

ولو سألتي كيف حبك رد عليك
لو سمحتي عن حسام آبسئلك

هو تحبينه مثل مايهتويك
او اموت بداخله او اقتلك

لو على صدره تمشّا راحتيك
تلمسين احساس كامن يجهلك

داخله شوق ٍ مجمّر يحتريك
ليت جمر الشوق جمّر داخلك

كان نومك كل ليله مايجيك
بسْ حسام اللي يجيك وياصلك