اصعب خيار

بعدك عذابي وقربك يشّبه فراقك
واهون ! خيار أصعب إخيار(ن) على روحي

لا الله كتب لك عمر !!والله ماعاقك
جاك الخبر مع حمام الدوح مشروحي

مطلوب منّك تراجع باقي أوراقك
وتشوف مصلوح نفسك قبل مصلوحي

قبل اسمع رعود علمك لاح براقك
وأصبح خيالك معي من حيث ماروحي

لو انه يجوز في الإسلام سّراقك
كان اتهمتك عساها تسلم جروحي

واليا صدر حكم ضدك!! ما انوي إعتاقك
هذا نصيك ومكتوب(ن) على اللوحي

الله عطاك الجمال وزين اخلاقك
والله جعلني لبعض إسرارك أبوحي

حظي حداني !! وحظك للهواء ساقك
في معتلج قوم لا تنطق ولا توحي

شجعان ماهمهم لو خنت ميثاقك
اهم شي عليهم تثبت اصروحي

لاتحسب الهيّنه من حظ عشاقك
عيني على النائفة لو يَبَعد الشوحي

مير انتبه لا تسج وتؤخذ انياقك
والعلم مشروح والمشروح مبروحي

وان كان الأيام حدتني على فراقك
عز الله انه صعيب أقول مسموحي