شيخ الشيوخ - منور المخيدش

اكتم سما حايل ولبست جباله
حزن تغطلم نفدها والسهليا

على الذي بالعيد حل أغتياله
بأرض الجزاير يابوفارس قتليا

شيخ الشيوخ اللي سما العزناله
نال المعالي مثل كوكب زحليا

هداج تيما ليا عطى من حلاله
مثل المطر ياصاب قاع محليا

ابو اليمين اللي من الطيب ساله
صنايع المعروف كفه بذليا

بالجود تندى مدته بالجزاله
تندى وقدحان الصخا منه مليا

طلال زبن اللي تردت حواله
الضيغمي من جور بقعا رحليا

مرحوم ياللي كايد الحمل شاله
مرحوم ياللي راقي كل عليا

راحت حياته في يدين الجهاله
راحت بفعل إرهاب غدر فعليا

وهذا الذي رب الخلايق نوى له
أمر مقدر ياأمر به حصليا

عنّا ابو نواف شدت رحاله
من عقب اخو رثعه رحل وارتحليا

وعبيد وعبدالله خيار السلاله
وابوخشم اللي بسيفه نزليا

ومحمد المهاد تذكر فعاله
حكمه على دار المعادي شمليا

رموز شمر بالنقا والبساله
سيل عرمرم بالمعزّة هطليا

كم طوعوا قوم تزايد خماله
عن دارهم كم جمع ضد جفليا

وتف على الدنيا سريع زواله
مالك بها ياكود صاف العمليا

وصلوا على اللي قايم بالرساله
عد السحاب وعد مانكتب اليا

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر