اشتاق له

ياما تخايلت الظِلال اللي تجول
وياما رسمت الدرب لقدومك وصول

وياما كتبت الحرف واضناني عناه
وياما عزيت الفرح لكنه جفول

مابقى غير المواني لي أمل
حلمي اشوفه وارسم البسمه واطول

تكفى طلبتك ياطريق اللي رحل
لاتمنع الخطوة ولاعنه تحول

كلمة تهزك لو بقى فيك العدل
هي مٌنيتي ألقى بهالدنيا عدول

صوته بعيد وياصل لسمعي مداه
يضرب خفوقي مثل ضربات الطبول

لانادت اسمي جابت اطيوفه نداه
حي الخيال اللي يواسيني عجول

يادرب وصلٍ شف ترى مالي صبر
بيني وبينه عشق والقصة تطول

وقت الهنا لحظه ويسرقها العمر
ليت الهوى يكتبلي سنينه فصول

اشتاق له واشتاق عزفه للكلام
واطرب لقوله كل ماغنى واقول

لو زلّ يومن قلت للباقي سلام
لحن العشق يبقى ولاعمره يزول

قلّ للملامه .. هل على العاشق ملام؟
كلي أنا دونه ولاهمي عذول