تبي الصراحه شفت منك المضره 
 وانته ولا همك سوى يالله (افراق) !
 يعني الفراق(المر) لازم تمره؟! 
 ترتاح له يعني وتبادِلْه الاشواق ؟!
 اليا متى نخسر بعض و(انتشره) 
 (ياخي) تعبت افهم! ترى خاطري ضاق 
 ودي افهمك شي فيني مقره !! 
 في وسط قلبي محرقٍ قلبي احراق 
 لا صار قلبي فيك( مقطوط سره )؟! 
 قلي شسوي يعني بكيفي اشتاق ؟!
 قرَب .. تشوف ان حالتي مستقره 
 البعد صدقني ولا يوم .. ينطاق
 يلومني قلبي وانا( آموت حره ) 
 يضيق ان ابعدت وان جيت لي راق ؟!
 لو كل من شافه قليبي يجره 
 ماكان تلقى اثنين / اثنين عشاق !!
 لاشك محدٍ خالفه واستقره 
 غيرك قسم بالله ما لاق ما لاق !!!
 لله دره ( القلب ) لله دره 
 كم لي وانا مشتاق /مشتاق/مشتاق ؟!
 اشتاق .. لك .. بالثانيه .. الف .. مره 
 احسب .. معي .. باليوم .. كم .. مره .. اشتاق ؟!

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين