الحـــال

يإلي تقول الحال وشلونه الحال
تسأل وماتدري عن أشواق قلبي

في غيبتك حالي غدا زحمة أحوال
أمشي وأصيح بعالي الصوت وأحبي

وش ينفعك لوّ الجفا والبعد طال
وشهي حياتك قول من غير قربي

يمكن حياتك مابها ذكر ينقال
لكن حياتي مالها غير ربي

لاجيت أعبّر عن شعوري بالأمثال
مافيه غير الحزن وظلال دربي

هذا وأنا توّي شباب ٍ ورجّال
شيبي غزاني وأنتهت رحلته بي

ياوجد روحي صارت جروحي ثقال
جات الظروف القاسيه وأعذلت بي

ياما تمنيته على ضيقة البال
لامن طريته طارت جنون قلبي

ماعاد فيني كود ذره ومثقال
أجمع بقايا صاحب ٍ لي وألّبي

الجادل ألي شوفها يبري الحال
والله قليله لو خذا اليوم حبي

يإلي تقول الحال .. صدقني أحوال
دنيا غريبه كل شي مستخبي