دايـــــم - محمد بن لافي المقاطي

دايم تعذبني وتجرح وأخليك
يمكن تفكر وتقتنع في كلامي

أصيح بك دايم ودايم أحاتيك
من علة ٍ يروي بها كل ضامي

يزورني هوجاس فكري وأناجيك
من مركب أشواقي وضعتك أمامي

أشوف غدرك من كلامك وأجاريك
ليه الغدر ؟ تسأل بعد وش علامي !

بالله ياخاين تبيني أماشيك
أرجع أسلم في يدينك غرامي

خلاص ببعد شوفلك من يواسيك
وأكتب على صفحات غدرك ملامي

إجرح وعذب لكن الله يعافيك
أبيك تذكر عشرتي وإهتمامي

بنسى غرامك والمشاعر وطاريك
ولاتفتكر ترجع لشوقي وهيامي

خلاص لاتطلب حناني بخليك
يكفيني أتعذب وأنا في منامي

وآخر كلام أقول الله يجازيك
ضيعت نفسي بالوفا وإحترامي

© 2024 - موقع الشعر