ثالث جروحي - خالد علي اليامي

مو صحيح (الحاجة أم الاختراع)
والصحيح إني إذا احتجتك غَبي

شف عيوني كلما قلت الوداع
ما تقل غير السحايب بهدبي

صاحبي والروح والخافق جياع
حن لي .. لا تحن .. معتاد تعبي

كنت أنا والليل مرّه بإجتماع
كنت ثالثنا لقيتك مختبي

بيني وقلبي وزفره والتياع
قلت فارقني وذا جاه النّبي

يا حبيبي ما دريت إن الضياع
حروتي لك واشتياقي وعتبي

من بعد ما قلت أحبك للنُّخاع
قلتها لك وبلسانٍ يَعربي

خذت جرحٍ منك.. دايم بأتساع
رحت ما خليت لك كلمة "أبي"

سر حبي لك غدا كذبه وشاع
ثالث جروحي يُسجل فكتبي

كنت حلم وكنت فوق المستطاع
كنت صعب وكنت انا فعلا غبي

© 2024 - موقع الشعر