سيد الحور. لـ جمل المسردي

سيد الحور - جمل المسردي

اتعبتني يا ليل وابعدت مسراي
وانا انتظر متى تجي طلعت النور

وتحفت الاقدام من جور ممشاي
وضاعت بي الامال يا سيد الحور

وجيتك وانا كلي وله واجبر خطاي
واروح عنك وخاطري منك مكسور

نويت ابين لك ظروفي وشكواي
واخفيتها مابين شفه وحنجور

يا للاسف خيبت ظني ورجواي
وصديت وانا ماحصل مني قصور

اثرك تلذذ في عذابي وبلواي
واجاملك لو كان مانيب مسرور

بكره تجي متحسف وتطلب رضاي
واقولك لو تعتذر مانت معذور

الصد والهجران ماهوب مبداي
ولاني على بعض المواقيف مجبور

ودعتك الله ياحبيبي وباي باي
وتلقى بدالي واحدن يقبل الجور

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.