شبيه الحور

صباح النور يانور الصباح ولمعة البللور
صباح النور يا كل الشموس اللي تضويني

صباح الورد ياورد الهدا ياعطره المنثور
على ذاك الطريق اللي على الطايف موديني

صباح الحب واحساسك على أغصان الظلوع طيور
صباحي انت دام أني صباحك يانظر عيني

احبك كل ماناديتني باسم الدلع ثمور
واحبك موت يا بدر الضيا ياشمعة سنيني

واحبك كثر ماعاش البشر ليلة فرح وسرور
واحبك ثم احبك لين تروى من شراييني

غرامك وصف للعشق الجنوني ياشبيه الحور
وحسنك قصف للي يجهلون الحسن والزيني

ليامني لمحتك صرت من غيم الفرح ممطور
ولامني فقدك صرت ضامي ليييين ترويني

مع السبع العجايب بالحدايق والهرم والسور
انا ما اشوف غيرك معجزه ياسوري الصيني