وينك - ثامر الحارثي

وينك وانا الد النظر في محياك
ماكنك اللي قدم عيني تشوفه

انا اشهد انك مانت يازين هذاك
اللي نقش في جوف قلبي حروفه

مليت صبري من كثر ما تحراك
وباح الصبر وشعيل طاحت كتوفه

والحين جيت وجبت بإيدينك أشواك
من بعد ماكانت ورود مقطوفه

الله يجازي من على الهجر رباك
وخلى العيون لشوف زولك شغوفه

واصبحت تتجاهل ليا الصوت ناداك
وعفت الخفوق اللي ربيت بكنوفه

اللي من اخلاص المحبين غذاك
ولاجلك هجر ناسه وشتت صفوفه

وأعرف ترى ماغير الوقت حسناك
انت الوحيد اللي ملكتني وصوفه

لكن جمال الروح روح وخلاك
والقلب عافك وانت سابق هنوفه

من بعد ماقد كان بالقلب مجراك
أصبحت من فعلتك سبة وقوفه

لاتعتذر والعفو ماهو لشرواك
ياللي زرعت بقلب الاحساس خوفه

ماقبل معاذيرك ولو جاك ماجاك
مانت الوحيد اللي غرق في ظروفه

قلبي مع درب المحبه تعداك
ولا على شرواك ضيق وحسوفه

© 2024 - موقع الشعر