الوصل

اكتم الاسرار واجاوب على قد السؤالي
والقصيد اليا بغيته تنفتح بيبانه

واتنقى من زهور الشعر لا جاله مجالي
والبحر غصته واعرف اللول والمرجانه

واعرف ان الذيب ذيب ومسكنه روس الجبالي
لو يخونه مخلبه ما خانته نيبانه

واعرف ان الحر حر وماكره في العالي
لا تضايق عن مكانه شالته جنحانه

واجتهد في الوصل واتعب نفسي وجوالي
واترجى الاجر من عند الولي سبحانه

واصبر اليا شفت صده من رفيق غالي
واتحمل كل زله جاتني من شانه

يوم بعض الناس في الشدات ماله تالي
لو تزيده وصل قام يزيد في طغيانه

ودي اجلس في ديار القوم والا لحالي
افضل من مقابل اللي واضح هجرانه

علم اللي ما تعلم من صواديف الليالي
والله ان نفسي عزيزه ما هي بمنهانه