أرض بغداد - منور المخيدش

نام الضمير وقرت العين برقاد
وقامت مناديب المذلة تنادي

وشبعت نفوس عنده المي والزاد
وأموال في شهوه حرام تقادي

ماذاقت اللي قد جرى بأرض بغداد
لو ذاقته مايهتني له رقادي

ماذاقت اللوعه وتجديد الأنكاد
صمل العلوم اللي عليها الوكادي

ياما غدوا به من زحازيح وأولاد
شجعان راحوا في نهار الجهادي

حي النفوس اللي على الموت وراد
ذادوا بها دون الشرف والبلادي

عزاه يامجد العرب غاب ماعاد
عزاه راحت به جيوش المعادي

تنخاكم البصرة مع ديار بغداد
وأرض السماوة تنتخي والرمادي

وين الجموع اللي له الصعب ينقاد
اللي بحزات الشدايد تفادي

وين العروبة وش بلا ذلها ساد
نسيت وغاصت في طيوف البرادي

والكثرة اللي شانه اليوم مافاد
لا بالعدد نمشي ولا من عتادي

نبقى أسارى الذل من فعل الأضداد
وماتنطح الغارة جموع الجرادي

يعني نعيش ونترك الوضع يزداد
ونقول للعالم ترى الوضع عادي

© 2023 - موقع الشعر