النجر

يانجر وينك ماسمعتك تشارك
صفت معاميل على طارف النار

يوم تركوك الناس قل أعتبارك
قل أعتبارك عقب ماكان لك كار

يانجر شف دار المناعير دارك
لاتأخذك هفوات وقت عن الدار

دار بها عزك ومجدك وكارك
يوم الردي في واجب الضيف ماثار

تذكر بتال الليل يانجر نارك
في مجلس فيه المناعير حضار

تذكر فعايل جبر والشيخ بارك
يامنهم ركبوا على قب الأمهار

وعقب الصياح ليا انتهن المعارك
تجمعوا حولك على كيف وأشعار

بين المعايا مستبين وقارك
ماكنك الا شيخ قوم له أذكار

واليوم مالومك اذا الوقت جارك
تبدلت عقبك منابيع الأنهار

المطحنة عقبك تولت مسارك
قامت بدالك تطحن البن وبهار

تبدلت دنياك وأظلم نهارك
وراحت علومك مع طويلين الأشبار