الــبــال ضــايـق ..

البال ضايق والفكر فيه وسواس
والعين تبكي من قدرها حزينه

والنفس ماتقبل على زحمة الناس
والصدر أوسع من مساحة سفينه

لكن ليا جاتك على ضربة الراس
يضيق وسع الكون .. تصبح سجينه

البارحه فكري غدا شبه منحاس
هاجت قريحة خاطري ف .. المدينه

عاجز أدّور بالفرح نغمة أجراس
تشفي جروح ٍ من قساها متينه

لكن إذا حظك يبي يتبع الساس
وشهي سواتك بين حين ٍ وحينه

كل البشر واحد على كثر الأجناس
وجيه ٍ ل .. قهر البشر مستهينه

حتى الوفا في هالزمن ماله إحساس
كثرة حكي وإلا الحقيقه تجينه

أشخاص تاتي تلحق العلم بأنفاس
لا واحسافه وش بقا وش خذينه

في هالزمن لاتشتكي جرحك ل .. ناس
خلها على صدرك لو إنها حزينه

العلم خافي والفكر فيه وسواس
والموت واحد والسفينه سفينه