الجمال يحيد عن أصل المحيّا

ماطلبتك تجبر كسور القوافي
ولاحسبت لجيّتك عندي هنيّا

شاعره , مستشعره , حسّي خرافي
أنصب أيّات القصايد واتفيّا

توّني بالشعر ماطفت المرافي
ولاعرفت اكثر من الاحساس شيّا

ماهو شرط يبين لك فيه احترافي
يكفي اسمي يخلفه وبلٍ سخيّا

يروي الاذواق مافيها خلافي
والجمال يحيد عن أصل المحيّا

ادري ان اللي يميّزني اختلافي
والقصيد ان شافني رحب وحيّا

جايزاحزن في حياتي بالخوافي
والا حتى والبشر تشهد عليّا

مانزلت من السما والجو صافي
ولاوصلت ابعد من حدود الثريا

لكن ابعد ايه يامال العوافي
(اعطني حريتي اطلق يديا )*

خلني بحالي ترا ماصار كافي
يابني آدم أنا مابي حميّا

دام شمسي مشرقه والنور ضافي
ماعليّ خلاف وعزومي تهيّا