القصايد عيب !!!

إن سكتنا طارت أسراب الحمام
وإن حكينا قالوا اتحب الظهور

فهّموني كيف أنا أحيا بانسجام !
والبشر مابين حقد وبين جور!

دون منطق جاي .. ويصيب المرام !
وش يحس ! اللي مباديه الغرور

القصايد عيب واحساسي حرام
علموني كيف أعيش بْلا شعور !

كيف أرد ؟ وكيف أعبر باحترام !
عن شعور الغيض واحساس السرور

آتظاهر بالمنام .. ولا أنام
آتصبر .. والقهر فيني يثور

يعني أسكت والمواقف باحتدام !
والدما في وسط شرياني تفور !

ماني لعبه بِيْده وإيد الملام
يوم يغرق في ظنونه دون شور !

لابغيت أكتب .. أبكتب هالكلام
لاتخاف ان شفت بيتي دون سور

مايضيع اللي تربى بالتزام
وان رميته وسط كيسان الخمور

كيف لو هو مثلي يحب السلام
وان زعل يومين يرضى له شهور !

إن لمحك أقبل يرحب باهتمام
عين لك بيت وهدبها لك قصور

وان رحلت بليل والدنيا ظلام
تآيه (ن) مابين نار وبين نور

قام يدعي مايضيّعك العتام
وانت تذكر منهجه كذب (ن) وزور !

السهام ان نكّست ماهي سهام
والحَكَايا دين .. والدنيا تدور