قاف الشعر

يزين الشعر بالمعنى وقاف الشعر لي منثور
قصيد الشاعر اللي ينتقي صفوة أفكاره

على فكره ترى شعري يسابق لهفة الجمهور
كتبها الوقت قبل اكتب بعنواني أو اختاره

قصايد حبرها حسي بمعانيها وصدق شعور
قطع موجٍ وهو يبحر بليلة عسرة أبحاره

من الواقع ارتبها بعيدة عن كلام الزور
لان بداخلي حٌبٍ ماخالج حفنة أوزاره

لقيت القاف يفخر بي وعبق الورد لي مغمور
وأغني من مواويلي بعزف العود لأوتاره

أبروزها على المكتوب محب وعاشق و مسرور
نسجته من خيال الوجد بعبق الورد وأزهاره

كثير اللي قصد قبلي وجملها لحن و بحور
مشاعر بحرها جارف جرفنا جزل تياره

تمايل كنها بنتٍ بروضٍ بالوسم ممطور
يلامسها شغف قلبٍ تزيد بشوفها ناره

واعرف الشعر ماهو لي بديوانٍ بعد منشور
وعرفت الشعر كلامٍ احاسيسي هي احباره

خبرت الشعر وابحوره ولاني مكلف او مجبور
اقندها مع الفنجال الى حوم الفكر زاره