حسبي عليك ..

حسبي عليك اليوم روّح ولا أبغاك
من بعد ماكنت الغلا ياغناتي

وش جاك مني يامنى الروح وش جاك
أخطيت يوم إني عطيتك حياتي

فارقني وأفهم كلمتي قلت بجفاك
من ضيقتي صرت أتمنى مماتي

سويت شي الله يجازي سواياك
حطمتني وضيعت كل أمنياتي

أتعبت قلبي وناوي اليوم فرقاك
أشغلتني حتى وأنا في صلاتي

بسألك قلي تعتقد ب .. أترجاك
لا والذي سوى عروقي وذاتي

خلاص أبرحل وأتركك وأتخطاك
وأترك معا هجرك ألم ذكرياتي

أببتعد وأنسى الألم وأتناساك
وأجمع بقايا مابقا من شتاتي

وألحين أبرحل وأتركك وأتحداك
إنك تلاقي شخص سوّى سواتي