وداعية

ياخالي الفكر يالاهي وداعيه
ودعتك الله وخلك فاكر الحاني

الطيب في كل طيّب له اماريه
الا انت ماتركب الطيّب على الجاني

صدقتك وقلت يمكن بك شهاميه
وتصون عهد الله وتوثيق الأيماني

لكن ربي خلق فطره طبيعية
لقليل احسان مثلك حالي الساني

طويتني طية المرسال مطوية
ثلاثة اعوام من عمري وازماني

ضيعتها في هوا روح الأ نانية
مافكّرت في كلام افلان وفلاني

ورفعت نفسي عن الغلطات والسيّه
ومع كل هذا وهي دايم تبلاني

ونا خذيت التجارب لي ادارية
واقوال شيباننا ذربين الأيماني

مايستر الجسم لبس اهدوم عارية
ياللي لبستي من الياقوت تيجاني

وحاولت تخلع عن الرجال طاقية
خيوطها من كرامة بن علياني

وداع مثلك ترى حاجة طبيعية
واللحين لوجيت اقررها بوجداني

بندم ندم ماندمت بعالمي زية
وش لون اصدّق ونا لي عقل واعياني ؟

يلعن ابو الحب الاعمى لعن ابوحية
وسبحان ربن جمع قاصي مع الداني

مسكين ياللي بهالدنيا على النية
تاخذك نيتك مثلي في خبر كاني

انا البشر لو تحس بناري الحية
كان اعذرتني على ماحرّك الساني

في وصف اكبر معاناته احصلت لية
امنت بالحب يلعن جد شيطاني

والحمدلله صوابي جا وبيديّة
ماني بندمان والله فوق عافاني

والورد ه اللي على الاغصان حورية
يقطر عليها الندى من عطري اللحاني

واسقيتهامن غرامي كنز حنية
وطريق واحد الى سكناه وداني

وطارت حمامة غلا قلبي من الكية
اللي لظاها من الطايف لنجراني

يامدعين الهوى لو الهوى ليه
سالت على اثر هالاشعار ودياني

وصلاة ربي عدد ماحل طاريّه
على رسول البشر من نسل عداني