يا صاحبي كل دا يبرا ويتعالج
الا لجرح الكرامة ما يفيد علاج
لو صابنا الياس بعدك ما سلكنا فج
وان حال في كل خطوة عاصفة وعجاج
لكن تمنيت للدرب الردي مخرج
ما دام في صحبتك ضاقت سبل وفجاج
تقفي وتجفي وتتذمر وتتغنج
وتحسب ان كل شي عندك هوا ومزاج
لا والله البعد عنك خير لي واخرج
عييت اواجة بطيبي قسوة الحجاج
ما بنتظر لين تذبحني وانا اتفرج
وفوق قبري تقول العفو ع الازعاج
حرمت رجلي تواطي كل درب اعوج
ما دام عاد المجرة في فلك وابراج
كلن ورجواه لك منهج ولي منهج
صعب اني اشرب كدر واسقيك ما ثجاج
لا تحسب اني بيدك في الهوا منتج
سلعة عليها بلاد الصنع والانتاج
يا صاح ما عاد ينفع بالرجا تلهج
تكسر القيد بيدك والسجين افراج
شف ما عياه الزمن محال يتبنج
والحر لو صد واقفى ما يرد محتاج
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.