بكره السفر ياشين والله طرياه
ياشين وقت الوداع وشين طاريه
بكره السفر مدري على وين دنياه
مدري عن الأقدار هي وين ترميه
بكره مسافر ياخذ القلب وياه
خطوه بخطوه يتبعه في خطاويه
بكره عذابي يبتدي يوم فرقاه
وبكره يموت ا لقلب محدا يواسيه
بكره تعذبني من الناس ذكراه
والياطرى ياهلي قمت أناديه
وشلون أبصبر عنه اليوم واسلاه
وشلون أبنسى غيبته لاحكوفيه
لوهو حبيبي سبة الجرح ودواه
يطيب جرح القلب لو مايداويه
لو يبعد الغالي عن ديار مرباه
له ماضي الذكرى بقلبي تناديه
سبحان رب للملا كيف سواه
فوق الحلا ياناس ربي محليه
أغار من كل البشريو م تتلاه
واخاف من عذال ناس تحاكيه
في ضحكته في بسمته في ثناياه
برق يشد أعيون ناس تراعيه
أخاف من عين الحسد يوم تبلاه
وأخاف من بعض الملا اليوم تغريه
مقوى على بعده والا أطيق فرقاه
وشلون أبصبر عنه أيام ماجيه
أن طول الغيبه حبيبي فلا أنساه
تبقى معي ذكراه للموت ياهيه
بالحيل أ حبه واعشقه حيل وهواه
حتى بغيابه أعشقه حيل واغليه
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.