الورد وغصونه. لـ سعد الأدهم

الورد وغصونه - سعد الأدهم

واعذابي من هوى الزين وطعونه
زادبي جرح الغلا يوم جافاني
 
ماهقيت أن الغلا تجرحني أعيونه
الا بعد ماشفت عينه والاقاني
 
شفته مع الغزلان يمشي على هونه
شفته مع الغزلان أقفى وخلان
 
يوم راح العقل زادت به جنونه
خف عقلي وزاد العقل بجناني
 
ياليت باب الوصل مايغلقونه
قلبي على وصلهم بالحيل شفقاني
 
أجيه ساري مع الليل بردونه
شفق عليه القلب بالحيل عجلاني
 
وده بوصلي حبيبي لو يخلونه
كم ليلة تبكي أعيونه على شاني
 
خوفه من اللي ياهلي يحرسونه
دونه ودوني ياهلي كل عدواني
 
أسود شعر هالبنت بالحيل مزيونه
لافلته من طوله الشعر يكساني
 
ضيع سواد الليل من ظلمته لونه
والوجه كنه بدر مافيه نقصاني
 
ياسعد من هو معه ياهلي يزفونه
ياحظ من هو معه بالليل سهراني
 
شباكهم لاجيت عني يردونه
والباب دونه باب وحراس الاعياني
 
بالبيت عوده نمى وبالبيت يسقونه
ياماحلاها وردة والبيت بستاني
 
ياما حلا زرعهم والورد وغصونه
وياما حلا غرسهم والعود رياني
هي وردة بالحيل بالورد مجنونه
ياماحلا قطفها من فوق الأغصاني
 
ياماحلا حوشهم والبيت وركونه
وياماحلا مدخله مع مدخلا ثاني
 
يامن يخبرني عن الزين وشلونه
أنقطعت أخباره من أسنين ماجاني
 
 
سعد الأدهم

تعليقات الزوار

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
إدارة موقع الشعر لا تتابع التعليقات المنشورة او تقوم بالرد عليها إلاّ نادراً.
للتواصل مع ادارة موقع الشعر إضغط هنا.