ذبول الورد

ذبول الورد في حضرة ~ حبيبي شي معتاده
 
....... ترا من زين محبوبي ~ نكس وردي له الأعناق
 
 
 
 
عساني منحرم منه ~ هذاك الزين بزياده
 
...... تحدّر في حسن , خلّا ~ جميع الخلق له عشّاق
 
 
 
 
واذا غاب القمر شفني ~ مثل من ضاع له زاده
 
......... وكيف ابقى دقايق في ~ غيابه دونما أشتاق
 
 
 
 
انا ما نامت عيوني ~ وكل الناس رقّاده
 
........ وقلبي لا نوا شوفه ~ يبيّتها وهو خفّاق
 
 
 
 
فديته لا دعا للسلم ~ فيه الحرب وقّاده
 
......... فديته لامشى مشي ٍ ~ عيون الناس له حدّاق
 
 
 
 
وأحلى مايعذبني ~ عناده آه يا عناده
 
......... ونا أدري بأنه من ~ تهي في داخله خقاق
 
 
 
 
سبا قلبي وخلاني ~ اذوق الهجر وبعاده
 
......... وانا كليّ صبر إلا ~ إذا تلعب بي الأشواق
 
 
 
 
وصارت قصتي قصة ~ عبيد الحِسن واسياده
 
......... ولو غمَضتها عيني ~ ابمشي له وانا منساق