انت الوحيد

اعلم ترى هالقلب يازين يفداك
واعلم ترى ماشوف غيرك بعيني

انت الوحيد اللي خفوقى تمناك
وانت الوحيد اللى عطيته حنيني

نورك ضوى كل الكواكب والافلاك
شوف القمر من نور وجهك حزيني

اسعد اليا شفتك سعيد(ن) بدنياك
ومن ضيقتك يضيق كل شي فيني

والله احبك واعشقك حيل واهواك
يالي غرامك بالزمن محتويني

سبحان ربي كيف صورك واعطاك
خرس العيون اللي بها مبتليني

لا مانسيتك كيف انا لحظه انساك
وانت الذي مسعد بحبك سنيني

حتى بسهواتي انا دوم وياك
واحلم انا بكفك يلامس يديني

قلبي وفكري مالهم غير طرياك
طرياك تنعش دنيتي ياظنيني

ياغايت امالي ترى العمر يفداك
ياساكن(ن) في وسط قلبي وعيني