فيك سالب وموجب - وسمي العبيان

القمر دون نوره مابه الا ظلام
وانت نورك حبيبي بالسماء مايغيب

لو بوصف جمالك يعجز احلى الكلام
فيك كل المزايا وافيه يالحبيب

أختلط كل شى(ن) فيك دون اصتدام
واكتمل بك جمال الروح وصفك رهيب

فيك سالب وموجب يندمج بأنتظام
نادر(ن) مثل وصفك بالبشر يالعجيب

وهقوتي ما الأقى مثل وصفك تمام
كامل(ن) ما اشوف بعيني شي(ن) يعيب

الله اللى رزقني فيك عقب الحطام
جابك الله وعمرى فى وجودك يطيب

قبل اشوفك حياتي في سماها عسام
ذقت طعم المراره في الزمان العصيب

شفت ضيم الليالى والقهر والحرام
وشفت شي(ن) بعيني لو تشوفه تشيب

كل مافات خله لا تعيره اهتمام
دام قلبك صفا لى وصار يمي قريب

اشعل الشمع واطلق ياحبيب الحمام
دام نورك يضوى دربي ماهو صعيب

انت احساس قلبي والغلا والهيام
وانت نبض المشاعر وغايتي والنصيب

بس ما عاد فيني ياحبيبي كلام
طاب جرحي بشوفك عقب ماهو عطيب

© 2024 - موقع الشعر