غرامي الوحيد

تدري انك حبيبي وادري انك بعيد
لو عصيت المواجع ..ماقويت الكرى

باتت جروح حلمي صحوته تستعيد
أه جرحي حبيبي من ملامي سرى

بين قلبي وبيني ضاع هاك السديد
ادبر الفكر بوحي بالمشاعر ترى

طال حبك وعمرك لو تكرم نريد
صفوة البوح منك يا اعز البرا

انصف القلب خلي يا غرامي الوحيد
اشهد انه خفوقي في رضاكم شرى

حبك اللي هجرته سامي بالوريد
لوتطول المسافه ماهقيت دبرا

نون عيني عصاني بالمدامع يزيد
صافي الدمع سيل ..من خدودي جرى

يمكن انه جنوني او جنوني اكيد
ماادري اللي حصل لي ..انت فيه اخبرا