دفتر شقاي - وسمي العبيان

تدري انى ما أوطي هامتي لى مخلوق
وتدرى اني ما أسوالف للعرب شلي بخفاي

انت تدري لاجزعك الوقت قلبي لك سبوق
وانت تدري ياعذابي حزنك معتم سماي

كنت احسب الحب صادق كنت احسبك لي صدوق
مادريت ان الخيانه من صفاتك ياهواي

ادرى ظروف الليالى حجبت عني الشروق
احجبت شمس السعاده وحرمتني من غلااي

الحزن يجري بجسمي ساري(ن) وسط العروق
من سبب هم(ن) بقلبي يكتبه دفتر شقاي

مات كل عرق(ن) يصونك وانتهي عشق (ن)شفوق
رح ومانى لك منادي دام ماهمك رضاي

تدري وش باقي بقلبي من سبب ذيك الحروق
مابقا غير القصايد تكتب اهاتك معاي

واعلم اني ما اوطي هامتى لى مخلوق
عندي أموت بكرامه ولا افضح اللي في حشاي

© 2024 - موقع الشعر