عزآه يآ وقت مضى لعله يعود
يوم الربيع وقت عطله وكشتآت
يوم اللقآ مآفيه عيب و منقود
فيه الهوى طآهر و نآبع من الذآت
نقعد ودوتنآ بهآ الضو موقود
وريح الحطب ينثر على الجو نفحآت
وخلي يحاكيني و حآكيه بحدود
نحكي كلآم العين للعين بسكآت
نشرح هموم البعد و نجدد عهود
و نرسل شكآوي الحب بقصيد وأبيات
ويقول وين فلآن واقول موجود
وكنه يقول الحب وأقول مآ مات
وهذي عجوز فآهمه حروف وردود
تكشف كلآم الحب لو صار نظرآت
ويقطف من العيدآن عود وراء عود
ويكتب على القاعه احبك يآ ونات
واخآف يفهم ما كتب جدي العود
واخاف حسآد الهوى حقد و وشآت
وآنا اطرشله من عيوني السود
اجمل معاني الشوق والبعد خطوات
وهو يطرشلي مع حمود وسعود
رسآله وكندر وشآني وكتكآت
واليا اقبلت ديمة بهآ بروق ورعود
رديت للديرة معي جيش عبرآت
وأبكي زمان فآت يا عله يعود
يومه ربيع و وقت عطلة وكشتآت
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.