قولكــم ذنب وإجرام - ونات

ويلك ياشعب الكفر..يا شعب الأصنام
ويلك ترى تحت الرواسي براكين

قلتوا وقلتوا..وقولكم ذنب وإجرام
وإجرامكم فجّر جموع المصلين

نرضى بذم شعوب ورموز وأعلام
لكن بهاذي نموت محنا براضين

نرهن ضمايرنا مماليك وأكرام
حنا لسيد الخلق جند ومحامين

بنرفض ونستنكر وسط صحف وإعلام
بتتعب حناجرنا ولاهم بدارين

لازم نسبَب فيهم أضرار وآلام
ولازم نقاطعهم ديار الملاعين

باعوا حليب أبقار وباعوا لنا أغنام
مصدر مواردهم جيوب المسلمين

بنمنع بضايعهم وبترولنا الخام
ونترك خسايرهم توصَل ملايين

صلاة ربي كثر ما عدَت أيام
على رسول الحق عدل الموازين

صلوا عليه الخلق من جن وأنعام
وصلوا جميع اللي على الأرض حيين

© 2024 - موقع الشعر