خسارة فيك حتى الـــذم

أقول أشره على قلبي .. وأشوم أبرك عن أشكالك
لأنْ ذاك الهوا اللي مات يشرفك.. ما يشرّفني

ولأن( أكبر فخر لأرضك) وطت رجلي على جالك
وأنا أدري خطوتي بدربك تزيدك.. بس تنقّصني

هقيتك شخص متعافي.. وعقلك.. طوقه عقالك
هقيت إن مرجلة جدك ف دمك تبتطمّني

هديتك.. للأسف حبي.. وحلمي.. لحظة بوصالك
حفرت إسمك وسط ذاتي.. يشتّتني ويلملمني

كتبتك أجمل أبياتي وقلت الشعر يزهالك
همست بمسمعك عشقي... بغيتك (حب) تسمّعني

لقيتك (ما معك ذمة) وسيفك يقطع حبالك
تخون بعشرتي.. وخنجر خياناتك... يقطّعني

خيانة... كانت الشعرة لظهر بعيرك الهالك
ومات الحب.(( لابو الحب..وغرام(ن) فيك جمّعني))

خسارة فيك..حتى الذم...خسارة بك وبأمثالك
((وترى حتى الهوا نفسه.. على حبك يأنّبني))