احلا علاقة

انا اشهد ان الشعر فيني بلا حد
واصبحت انا وياه مثل الرفاقة

مره انا اشده ومره الي شد
اسير له عاني بحلم ولباقة

كني انا وياه لا جات للجد
عشق ابدويٍ طاح في حب ناقة

يا ناس يا عالم ويا هوه من عد
من عد له مع روح روحه علاقة

وقت اللزوم اتعد وتصد وتند
وتطفي لهيب القوم عند الحماقة

وتروي ضماي ان عشت في حبٍ ود
وتجمعلها من كل ما في باقة

وتقهر سموم الوقت لا جات وتصد
عني سمومه دوم وبكل طاقة

وتفش غلي كل ما الحال ينهد
وتاقف معي وقفة وفيً الصداقة

وتكون لي ملجا ولي سرٍ وسد
معها وانا سري بذيك العلاقة