يضحك وفي عينه كلام او اكاذيب ... واجروح ما تبرى ولو حب كوعة - عبدالله زايد

يضحك وفي عينه كلام واكاذيب
واجروح ما تبرى ولو حب كوعه

وانا ولد زايد ولابي عذاريب
حرٍ علي كيفي ولاني بطوعه

بعض العرب ينقص رجوله وتهذيب
يدبل كبود القوم شكله ونوعه

واكبر مصيبه كان من حولك قريب
ومطبعٍ بطبوع ماهي طبوعه

اليا نهيته قال ماغيري مصيب
وابعد وقام يسد عنك سموعه

انا اشهد انه دوم آفه وتعذيب
علي رجال الطيب واطيب ربوعه

يالله عسى يقضي حياته مطاليب
مابين خلق الله ويرثيه جوعه

اللي سواته عيب ومجادله عيب
ما ودك اليا عاش يقضي سبوعه

نكره ولا يحييه كثر التجاريب
فاسق عسى تكويه عنا شموعه

© 2023 - موقع الشعر