راكب اللي كن هبدت ذراعه يوم قا م - زيد بن زايد العضياني العتيبي

هاضني ياسعود رجم ٍ بديته يا سلام
فالخلا ماعندي الا ّ *****

في شعيب العظم فيه القماري والحمام
ايتجاوب فالدواجي على جال الغدير

راكب اللي كن هبدت ذراعه يوم قا م
هبدت السبّاح في بير ولا في غدير

راكبٍ فوق أشعلٍ شايلٍ شذبة سنام
من جمال هتيم وأمّه تسيّس من ظفير

أشقر ٍ يطوي رقاق الخرايم طي خام
رفّع اشناقه سحيمان جايلّله عرير

يوم شالوا فوقها الخرج مع زين الولام
سبق دوجٍ واطٍ العرف جايٍ له زفير

كن ضربه يوم يعطي مصاقيل العدام
ضرب ندراً في طرفها البرد غادٍ كوير

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر