الفخر والقوافي عشر

لـ ، ، في غير مُحدد

المنسابة: هذه القصيدة بعنوان ( الفخر والقوافي عشر ) وكانت بأمسية مقامة بمدينة الطائف بين قبيلة بني مالك وبني سفيان

الأوله ذكر ربي والسلام السلام
 والثانية يابني سفيان منا سلام
 واثني التحيه على أهل الحفل والناس لام
 تحيةً من بني مالك يردونها
 يوم قدر الله وجينا الليلة من شان صوب
 استقبلونا العواني والبيارق نصوب
 ترحيبهم مثل ناوي لانزل من نصوب
 ترحيبةً من بني سفيان يقلونها
 جينا مع الشيخ أبو عيضة صخي اليمين
 هذا إبن سلمان راع الجود في كل حين
 راع الكرم والجمايل والوفاء من سنين
 جمايله كل خلق الله يعرفونها
 جينا نشرف ونتعرف على انسابنا
 نبني صروح العنوه مابننسى بنا
 قدام ماكاتب التاريخ ينسى بنا
 هذي العنوه نوثقها بعنوانها
 حنا ترونا من الشولان والجد جد
 من روس عمرين في وقت الطلب ننوجد
 اصولنا من بني مالك عن أباَ وجد
 من عزوة(ن) يعجز الطمعان من دونها
 والله لوما معزتكم ونبغي نعين
 ماكان جينا بني عم مثل خشم(ن) وعين
 أقل شئ كان جينا ست ميه وأربعين
 والأرض برجالها والدار بحصونها
 والله لوما العنوه والحسب والنسب
 وإكتاب من عند رب العالمين إنكتب
 مانعطي اللي طلبتم لو وزنتم ذهب
 لكن جمعان حظه جّود إعنانها
 والله يبارك لكم يا انسابنا إبلا حسد
 وإن شاءالله ناجي نبارك عندكم فالولد
 ويجي الولد مثل خاله في المواقف يسد
 يحرز علوم الرجال اللي تحبونها
 وادعوا عسى الله يحفظ خادم الحارمين
 ويعيش سلطان وآلي العهود الأمين
 ويحفظ المملكة من شلة المجرمين
 في ظل دولة بحكم الشرع يرعونها
 وادعوا عسى الله ينصر سيد المرسلين
 على الدانامارك حنا بالدعاء مرسلين
 يا جعل ماعاد يشفيهم ولا البرسلين
 الشله الكافره للنار يصلونها
 والختم من بعد وصّلت القوافي عشر
 صلو على محمد المختار سيد البشر
 عداد ماسار دينه في الدير وإنتشر
 وعداد جمع الفروض اللي تصلونها

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين