الله ..كريم ولاعليه ..استحالا
ياللي عشانك نحت أنا نوحة الورق
سبحان من هو كمّلك بالجمالا
يالجادل اللي سارقٍ خافقي سرق
من شاف حسنك قال ..وصفك خيالا
صليت بالمسلم على ..وجهة الشرق
انتي لحالك والعذارى ..لحالا
بينك وبين مضمرات الخصر.. فرق
تعبت من (بعدين , مدري , ولالا)
وش حيلتي والقلب في حبكم غرق
أجر طاروقي وأغني.. يالالا
أصرّف القيفان وأبني على الطرق
يانجمة ٍ بين الكواكب.. تلالا
ويا برق ٍ اليا ناض غطى على البرق
لا..شفت زولك قلت.. بدر الكمالا
أضيع بين الناس وآضيع الطرْق
ولا..شفت عنقك قلت عنق الغزالا
يجلي هموم ٍ بالحشا كلها.. حرق
ولا.. شفت خدك صار فّيّ اختلالا
كنك تقود الشمس من مطلع الشرق
ولا.. ذقت ريقك قلت مي ٍ.. زلالا
تروي ضما العطشان من مارد ٍ غرق
وفي رمشتك تطلق علّي النبالا
سهم المنايا مايجي دونه الدرق
سبحان من سواك جل وتعالى
من كل وصف ٍ للحسن حط بك ..عرق
أنا تليتك والليالي ..تتالا
شح الزمن وأختلطت البيض بالزرق
ياهملالا .. صدق .. ياهملالا
احرقت قلبي بالجفا يالغضي .. حرق
ياليت من هو ياخذك .. بالحلالا
على النقا مايزرقك باللقا زرق
ebn-al3z@hotmail.com

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين