كحل سو - عبدالرحمن بن عمير

لاتذرف دمعةٍ تجرح خدودك
أخاف الدمع يزّعل كحل سودك

تصبّر يابعد روحي تصبّر
على وقتٍ خذاني عن حدودك

تموت قلوب حسّادي وتفنا
ونصمد رغم عاذلّك وحسودك

على قولة عربنا ( ماعلينا )
نسوق الموت لابارت جنودك

وانا ماني بطماعٍ لك الله
ولكن جود مدك من وجودك

انا اللي اعشقك حد الثماله
اعشقك لو تمادى في صدودك

احبك حب ماحبّوه قبلي
كثر مالقلب ذايب في برودك

وانا اللي كل عرقٍ فيّ ينبض
بحبك يابعد صفة جدودك

© 2024 - موقع الشعر