اعصار فيت.. وفلسطين - خليفة بن راشد الوالي

إن لج موج الفيت والناس في عج
في زحمة الأهوال لي ينشف الريج

وإعصار جونو جا رساله ومنهج
من عند ربي لي متى نبغي نفيج؟

الكل يشجب وان لزم قام يرتج
من دولة(ن) تجلب علينا المناهيج

دوله إسكنتنا غصب عنا ولجلج
فكر اليهود الي تبعهم معاويج

حتى السلام الي ترن نم وفجج
يبكي حسافه مالقى له مداريج

والقدس يصرخ كيف ماحد يحتج!!
من يسعفه والويج يصلي عقب ويج

شفت الرسايل كثرها فج دجدج
قلب الشجي كنه مسايل مدافيج

والكل خايف عالكراسي يتدحرج
وش حيلة المسكين بين المطافيج

وسهام صدري حرها كيف تثلج؟
مادام عايش بين جملة صهاريج

إعصار شعري زلزل الفكر من دج
وإعصار فيت يزلزل الأرض مالضيج

© 2024 - موقع الشعر