ملحمة عربية

كلمات الشاعر / محمد بن طوالة في قصيدته ملحمة الجزيرة العربية
ياماحلا سيرت هلأ الشرع والدين
وطلبت ربك بالمساء والصباحي
وعند النشاما لك علوم وعناوين
وفي مجلسك دايم طيور الفلاحي
مافيه رجل شيخته الملايين
المال ماشيخ خطاة الشحاحي
والفقر ماعيب رجال مقلين
والطيب لأهل الطيب يبقى وشاحي
ومرافقة بعض الأسود السلاطين
اللي حمو نجد ودار الصباحي
عيال الامام اللي على الشرع ماشين
للحق حق وللعدو السلاحي
اللي علمهم نخلة بين سيفين
واللي عطاياهم زلال قراحي
اخوان نورة نصرة الحق والدين
حكام نجد اللي مشوا بالصلاحي
وشبيت نارك بين وضح ومزايين
في روضة خضراء تزيد انشراحي
وعنده يجونك من بعيد العزيزين
وفنجال بن عقبه العود فاحي
ويسير عليك اللي يفك المساجين
ضاري وابن ضاري بكل النواحي
وابن رشيد ليا غدا الليل ليلين
اللي جمع هيبه وعز وسماحي
وابن علي بعيجان نعمك ونعمين
شيخ كريم بالليالي الشحاحي
ولاهان أبو خوذه عميد الكريمين
والشيخ ابن هذال زين الصباحي
وابن سويط العز سم المعادين
رجل شجاع ولايهاب الرماحي
وابن حميد اللي على العسر واللين
وابو ثنين اللي شهر في رماحي
ومن روق ابن ربيعان هو منية العين
والنعم في شاربه من وين راحي
وأخوان جوزاء ماتهاب الميادين
دوشان لاصارت مزارق رماحي
وابن قويد الدوسري وابن حثلين
والفغم لاصاح المصيح وصاحي
وبني تميم اليوم والله كريمين
ابن براهيم اللي يزيد ارتياحي
وكل القبايل عندي اليوم غالين
والحاضرة واللي سكن بالضواحي
وقيل التمني هو علاج الفقيرين
قلت أتمنى والتمني مباحي