كبير الحظ - محمد حمود العضياني

كبير الحظ اشوفه لابغى يرتاح قام ونام
وانا لاجيت ابرقد كثرت همومي على راسي

تداعالي هموم ٍ غربلتني من ثلاث اعوام
وخلتني شقي ما افلح رجاي ولا انتهى ياسي

وانا لاضاق صدري ضاقت الدنيا جنوب وشام
عساها ضيقة ٍ تفرج عقب ماضاقت انفاسي

والا عزاه ياحظ ٍ ليا من قلت عانه قام
صدفله صادف ٍ يطرحه لين يطيح متواسي

تعبت وتهت من كثر الغرابيل وشقا الأيام
وانا اللي كنت مثل طويق في وجه الزمن راسي

ليالي الحب وايام الصبا راحت تقول احلام
عقب دونتها من دم قلبي فوق قرطاسي

تباعدنا وانا ادري ياحبيبي للظروف احكام
وانا وانته تحت حكم القدر وأثر القدر قاسي

تفرقنا وشردنا وخلانا تقول ايتام
سبايب ربعك وناسك وسبة ربعي وناسي

حدوني عنك لين الجفن عقبك عن منامه شام
ولاذاق المنام ولا اهتنيت بلذة نعاسي

وانا مدري لحق قلبك سواتي ياغلاي هيام
وودك باللقا والوصل والا داله وناسي

الا ليت اللقا يرجع واقول الك الوعد قدام
واجيلك عند دارك دون بوابه وحراسي

© 2024 - موقع الشعر