من يوم فارقتك وقلبي يناديك - محمد الرابض

ثارت جيوش الشوق من دون تكتيك
وبقصف عشوائي على القلب ترميه

وضاعت دفاعاتي ولا قدرت اجاريك
..................وبيدك خضع قلبي وصرت انت واليه

وسُقت قلبي وانسجن في اراضيك
......................اسير حبك وانت رجواي راعيه

وقلبي ضعيف وحيلته بس يرجيك
....................وانت الوحيد اللي بيدك تبريه

وبمحكمة قلبك وبحضور قاضيك
......................قررت خارج عالمك انت تنفيه

وضاق صدري والمحاني على ايديك
......................ضايق وماله شخص غيرك يسليه

يا ويل قلبي كل ما حلّ طاريك
.................يا خل يسوى الكون محد(ن) يساويه

من فرقة سموك وحضرة معاليك
.................يظلم عليه الكون محد(ن )درا فيه

من يوم فارقتك وقلبي يناديك
.................وانت الوحيد اللي سكن في محانيه

وانت ملاك القلب والروح تفديك
.................وشلون ما تفدي حبيبي وانا افديه

يا مهجة فؤادي عسى الله يخليك
.....................يا فرحة ايامي بحاضر وماضيه

حاول تراعي حالته والامل فيك
لايموت من شوقه لمن هو سكن فيه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر