خط الشمال - محمد الرابض

الاثنين شفت الزين في خط الشمال
صغير ومدلل وراكب فكس ار

سبحان من صور وابدع في الجمال
واعطى له الهيبه وكللها الوقار

من نظرته حسيت في عيونه دلال
ناظرني بعينه ولا ادري ايش صار

وسرت انا بعده وفي نفس المجال
امشي على خطه وفي نفس المسار

ناظرت في وجهه وراودني سؤال
يا ناس هذا الضبي من اي الديار

اعيان له ترمي كما رمي النبال
وخدود لماعه تسبب لك دمار

والخشم حد السيف في ساعة نزال
مسلول من غمدة ولا يهوى القرار

اما الشفايف مالها عندي مثال
وشلون ابوصف من بعد ما العقل طار

صغير في سنه وسبب لي هبال
يا ويل حالي لو وقف بين الكبار

قالوا بشر لكن انا قلت المحال
ماهو بشر الا ملاك بهالمدار

ليته ولد عمي او انه ابن خال
والله لاشيله لو يطول الانتظار

يا ليت لي قدرة ابي منه الوصال
واهنى بقربه ويرتفع عنا الحصار

واكشف مفاتن خافية ثارت جدال
واحرك شفاته وما تحت الخمار

وامسك على ايدينه ويفتح لي مجال
اضمه لصدري واقبل في المحار

وكل ذا يا ناس ابي منه حلال
ما بي حرام واخرتها وسط نار

على كتاب الله ربي ذو الجلال
وسنة نبية خير من صلى وزار

© 2023 - موقع الشعر