قايد الامه - محمد الرابض

افرحي يامملكتنا دام ابو متعب بخير
اليوم شفنا وقفته يا عسى عمره طويل

قايد الامه تعافى واليوم شفته يسير
يا الله ثوب العافيه تلبسه به يا جليل

الحمدلله راعي المنه وله فضل كبير
نحمده دايم بكل اوقات في ظهرٌ وليل

يا رياض الخير هلي دمعتك لاجله كثير
لاجل عبدالله دموع الفرح في حقه قليل

وافرحي لاجله وغني يا شواطي للامير
وانثري لاجله ورود الحب في طول السبيل

يامملكتنا زغردي ومن الفرح يا الله نطير
اليوم عيد الله يديم اعيادنا بك يا الاصيل

الساحل الشرقي يعانق بالفرح سودة عسير
وجازان من فرحة وطنا ردد اللحن الجميل

حبك تمكن بالقلوب ومالقينا له نظير
ويشهد الله لو نموت لكن حبك ما يميل

© 2023 - موقع الشعر