گـلبي يناديك - حسن الجزائري
گلبي يناديك بقهر يسعر لهيبهآنه اليتيمه أنحب الأعظم مصيبهأنده يا علي .......... يا ريتك تجي----------------------------أنادي .... أنه بِتْ حيدر السَّاند نبينهويريته .... يجينه بهل مِسه يُنصُر وِلينهأريده .... يعاينْ جثّته وصدره وجبينهويسمعه .... يسائل عن گُمر يا نهري وينهيا بويه سيفه من وِگع ناده عضيدهصوته أسمعه ينتخي ببن الصُميدهمن طاح الوِلي .......... يا ريتك تجي----------------------------يعباس .... أجيت المشرعه بدمعه جِريِّهأخبرَك .... بكَسر ظهري ابسياط امن آل أُميّهعلى الرّاس .... بِديت ألطُم على چفوفك يخويهوشاهِد .... جِسم مرمي بُگه فوگ الوطيّهمنّ الچفوف اللِّي أوگِعن آخذ سلاميوالچّثته طاحت يم نهر يسمع كلامييسمع كافلي .......... يا ريتك تجي----------------------------أجيتك .... يبو الأكبر وأگلك بسَّلامهيخويه .... أعوفك وأنته مسلوبِ العِمامهأنظره .... شِمر وابلا رحم صبّ انتقامهيويلي .... أشوفه اعله الثره مغطَّه بسهامهيا جدي آنه أنتظر منّك بِشارهينهض ابن عمّك يجي يِشهر فقارهماتوا كِل هلي .......... يا ريتك تجي----------------------------يمذبوح .... بُگينه ابلا خِيم بعد الِذي صارنعاين .... جيوش تحاوطونه بلايه أنصاريكرار .... يَرَيتك تحضر وتفني هالأشراربعد ما .... تشوف إعله الأرض أجساد الأحرارأتمنه تحضر يا أسد تِمحي العساكربسيفك يحمّاي الحِمه تِملي المقابرمن صار السبي .......... يا ريتك تجي----------------------------شفت راس .... أبو الأكبر يناشد عن علي وينگلتله .... دفين وما أظن يسمعنه يحسينيگلّي .... يزينب لو نهض يحييه صفِّينولا يصير .... سِبيه مچتّفه بَين الدّواوينيا بو الحميّه أتيسّرت للكوفه جَينهيضرُبني بالسّوط النَّذل يشتِم وِلينهأبجي الغُربتي .......... يا ريتك تجي----------------------------أسولف .... سوالف عن غُرب وآنه العقيلهاشوفن .... عيون حسين تبحث عن خليلهإبن هند .... أشوفه بالعصه ثغرك يميلهوسمعه .... يسِب اُمّي ويريد يصب غَليلهلو ذو الفقار ايسمعك اتشتم الوديعهينهض علي وابسيفه يگلُبه الوسيعهشِتموا عَيلتي .......... يا ريتك تجي
© 2024 - موقع الشعر
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.