قالو .. تخيل / بلغزل وانظم ابيات . - فهد بن دعيرم

قالو تخيل بالغزل وانظم ابيات
واكتب جزيل الوصف للعاذريه

حاولت ابيها ياجماعه ولاجات
راع الغزل حده علاقه قويه

ولاانا مالي معاها علاقات
مال الهواء وياي روحه وجيه

وليا بغيت الزين في بعض مرات
وانا عجل مريت بالقيصريه

اخذتلي فره هادي وبسكات
خوفي من الشيبان تنقد عليه

كني ابي بالسوق لازم وحاجات
مشتطط وانا جيتي من فضيه

وليا لمحت اللي له عيون كسلات
غنج الترف بين عليها ثريه

اصد عنها وخاطري لاجلها حات
الله بلاني بالخجل والسحيه

ولاانا رسمي وعندي عبارات
يعني على ماقيل ماني شويه

رسمي وكشخه والقلم والكباكات
والساعه اللي في يدي سويسريه

لاكن مالي بالغزل والمتاهات
شين هلا عمري وشين هديه

وشين عسى يالله شين حلالات
وشين اذا اقدر وشين قويه

هذا الغزل ماهو سلام وسهالات
لاوالله انه في خيالي بليه

ابعد مساري عن دروب الجميلات
واسج باغيلي دروبن خليه

وليا حصلي بالفيافي مسارات
عز الله ان النفس فيها غنيه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر